يوم ختم القرآن ..

السلام عليكم ..
هاذي ثاني مدونة أكتبها ...
و برضو مش عارفة إيش أكتب ؟!!
بس اليوم أنا مره متضايقة لأن اليوم هو 28 من رمضان يعني ليلة 29 من رمضان برضو .. يعني اليوم راح يختمو القرآن في المسجد النبوي و المكي و بما إني من سكان المدينة المنورة و الظروف مهيأة ليّا علشان أروح الحرم .. بس ما قدرت أروح لظرفٍ ما .. يا ناس والله متضايقة من أول رمضان و أنا مستنية هذا اليوم و بعدين ما أقدر أروحله :( .. مو قهر؟؟
تقريبا كل يوم وأنا في الحرم بصلي التراويح علشان لا أحس بتأنيب الضمير إني ما رحت أصلي التراويح إلا في يوم الختم ..
المهم ما علينا ..
اليوم صلى الحذيفي في المدينة و ختم القرآن و في مكة طبعا السديس الله يخليه و يطول في عمره هو و الحذيفي و يجمعنا فيهم يوم القيامة في جنة الفردوس ..اللهم آمين
تبغو الصراحة أنا شفت السديس كان دعاءه مره مؤثر و يخلي الواحد ينزل دمعته غصباً عنه و لما خلص الدعاء قلبت المحطة على القناة الثانية لقيت الحذيفي خلص من زماااان أوي
الحرمين كلهم إمتلو بالمصلين و إذا كنتو تبغو مكان حلو لازم تروحو من الظهر علشان تمسكو مكان حلو وما حد يضايقكم فيه .. زي أهلي أمي راحت تصلي الظهر في الحرم و باقي الأهل و الضيوف إلي عندنا راحو الساعة 2 ونص .. هذا بعد ما اتصلت أمي فيهم و قالتلهم تبغو مكان تعالو إلحين لأن الحرم إمتلى .. تخيلو من الظهر ..
الله يعين .. حاسة إني طولت كثير علشان كذه أنا بروح .. مع إني عارفة إنو ماحد حيقرأ المدونة :( ..

مع السلامة

:)

السلام عليكم ..

هاذي مدونة للتجريب و بس..

بس لا تضيعون وقتكم في رمضان

و شكراً ..

مع السلامة ..